សៀមរាប៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានលើកឡើងថា អង្គរសង្ក្រាន្តបង្កើតឱកាសមិនគ្រាន់តែសម្រាប់យុវជនទេតែសម្រាប់មនុស្សគ្រប់វ័យទាំងអស់។

សម្រេចតេជោបានសរសេរនៅលើតេឡេក្រាមរបស់សម្ដេចនៅយប់ថ្ងៃទី១៣ ខែមេសា ឆ្នាំ២០២៣នេះ ដោយអមនូវរូបរបស់សម្ដេចកិត្តិព្រឹទ្ធបណ្ឌិតថតនៅប្រាសាទអង្គរក្នុងព្រឹត្ដិការអង្គរសង្ក្រានថា៖ «យាយៗក្នុងឆ្នាំខ្លា មុនពេលឆ្លងចូលឆ្នាំទន្សាយនៅថ្ងៃស្អែក។ អង្គរសង្រ្កាន្តបង្កើតឱកាសមិនគ្រាន់តែសម្រាប់យុវជនទេតែសម្រាប់មនុស្សគ្រប់វ័យទាំងអស់»។

គួរឲ្យដឹងផងដែរថា ព្រឹត្តិការណ៍អង្គរសង្ក្រានត្រូវបានរៀបចំឡើងជាដំបូងក្នុងឆ្នាំ២០១៣ ដែលបានបន្តរហូតដល់ឆ្នាំ២០១៩ ក្នុងខេត្តសៀមរាប មុននឹងត្រូវផ្អាករយៈពេល ៣ឆ្នាំដោយសារកូវីដ-១៩។

ឆ្នាំ២០២៣ ក៏ជាខួប ១០ឆ្នាំការរៀបចំព្រឹត្តការណ៍ដ៏ធំនេះផងដែរ៕